ახალგაზრდა მეცნიერთა კავშირი „ინტელექტი“, პროექტის - „თემები დემოკრატიული არჩევნებისათვის“ ფარგლებში აჭარის რეგიონის თემებში შერჩეული განმანათლებლებისათვის ტრენერთა მომზადების ტრენინგებს ჩაატარებს.
ტრენინგების პერიოდში მსმენელები შეისწავლიან ადგილობრივი თვითმმართველობის მარეგულირებელი კანონმდებლობის ძირითად საკითხებს, საგანმანათლებლო შეხვედრების ჩატარების მეთოდოლოგიებს:

1. საქართველოს კონსტიტუცია;
2. საქართველოს თვითმმართველობის კოდექსი (ახალი კანონი თვითმმართველობის შესახებ);
3. ევროპული ქარტია ადგილობრივი თვითმმართველობის შესახებ;
4. მოქალაქეთა ჩართულობა თვითმმართველობის პროცესში;
5. საარჩევნო კანონმდებლობა;
6. საარჩევნო პროცედურები;
7. მოქალაქეთა მიერ საკუთარი ხმების დაცვის საშუალებები;
8. საგანმანათლებლო საქმიანობის ჩატარების მეთოდოლოგია.

ტრენინგებს ჩაატარებენ მაღალკვალიფიციური ტრენერები:

• ლევან გობაძე - საინჟინრო მეცნიერებათა აკადემიური დოქტორი, ახალგაზრდა მეცნიერთა კავშირი "ინტელექტის" გამგეობის თავმჯდომარე;
• გენო გელაძე  - განათლების დოქტორი, დემოკრატიის ინსტიტუტის აღმასრულებელი საბჭოს თავმჯდომარე;
• ნუგზარ კეკელიძე - ახალგაზრდა მეცნიერთა კავშირი „ინტელექტის“ თემის მობილიზატორი.

ტრენინგის ხანგრძლივობა 15 დღე.
ტრენინგების დასრულებისთანავე 92 ადგილობრივი განმანათლებელი 3 თვის განმავლობაში თავიან თემებში საგანმანათლებლო შეხვედრებს ჩაატარებენ.
პროექტის ფინანსური მხარდამჭერი: ევროკავშირი.

«««